Oprah Winfrey

Oprah Winfrey është një pronare e mediave amerikane, prezantuese televizive, aktore, producente dhe filantrope. Ajo është më e njohur për emisionin e saj të mesditës The Oprah Winfrey Show, i cili ishte programi më i vlerësuar televiziv i këtij lloji në histori dhe që u organizua në nivel kombëtar nga viti 1986 deri në vitin 2011 në Çikago, Illinois. E cilësuar si "Mbretëresha e të gjitha mediave", ajo është renditur si afrikano-amerikanja më e pasur, filantrope e madhe me ngjyrë në historinë amerikane dhe aktualisht është e para dhe e vetmja miliardere me ngjyrë. Disa vlerësime e rendisin atë si gruaja më me ndikim në botë. Në vitin 2013, ajo u nderua me Medaljen Presidenciale të Lirisë nga presidenti Barack Obama dhe gradën e doktoratës nderi nga Duke dhe Harvardi.